Florian Marku, i cili ka bërë debutimin në boksin profesionist vetëm në dhjetor të vitit 2018, po konsiderohet si një ndër boksierët me më shumë përfitime nga ndeshjet e tij.
Marku, së fundmi triumfoi ndaj Chris Jenkins, ndërkohë pas ndeshjes kërkoi një duel me boksierin e famshëm britanik, Amir Khan.
Sipas faqes së mirënjohur “PeopleAI”, Florian Marku thuhet se ka një pasuri prej 4.43 milionë dollarë.
Marku ka premtuar që ndeshja e radhës do të zhvillohet në Tiranë, ëndrra e tij e madhe është të jetë në “Air Albania”.
Pas pak ditësh, Marku pritet të zbulojë kundërshtarin e tij të radhës, datën e saktë të ndeshjes si dhe vendin ku do të zhvillohet.
Gjithashtu, Marku ka premtuar që njërën nga ndeshjet e tij do ta zhvillojë në Kosovë, pasi shqiptarët e Kosovës e kanë mbështetur atë që nga fillimi i karrierës.
